Сино-зелен метеор ја надлета Англија

Небеско тело го надлета утрово во 3 часот по локално време (4 часот по средноевропксо време) источниот брег на Англија.

Како што јавија британските медиуми, летот на сино-зелениот метеор бил видлив од Стафорд, Хемшир и Батерси и јужниот дел на Лондон.

Според податоците на Мрежата за опсерватори на Велика Британија, се работи за најсветлото тело што досега е забележано во лет над Британските Острови.

Метеорите можат да имаат различни бои кога минуваат низ земјината атмосера, како жолта, портокалова, зелена, сина или виолетова, а сино-зелената комбинација на бои укажува дека овој метеорот содржел големо количество на магнезиум.

Телото најверојатно целосно се распаднало пред да ја падне на површината на Земјата.