Силен земјотрес регистриран вo близина на Индонезија

Силен земјотрес со интензитет од 6,9 степени според Рихтеровата скала денеска е регистриран во Бандското Море во близина на брегот на Индонезија, но нема опасност од цунами, соопштија индонезиските власти.

Земјотресот бил на длабочина од 33,9 километри, со епицентарот на 151 километри југоисточно од пристаништето Амбон на Молучките Острови.

Индонезискиот центар за предупредување на цунами соопшти дека нема опасност од појава на големи бранови.

Засега нема информации за евентуални човечки жртви или причинета материјална штета.