Швајцарија ја истражува блокираната продажба на околу сто тенкови за Украина

Швајцарија почна истрага против државниот производител на оружје „Руаг“ откако се обиде да продаде речиси 100 тенкови кои наводно би завршиле во Украина.

Ревизорите ќе го испитаат „Руаг“ поради обидот за зделка со германски „Рајнметал“ кој беше блокиран со образложение дека ќе ја наруши швајцарската неутралност, објави Блумберг.

Со продажбата „Руаг“ би испратил тенкови Леопард на германската компанија „Рајнметал“, која планирала да ги обнови за Украина. Швајцарија го прекина продолжувањето на договорот во јуни.

Поранешната извршна директорка на швајцарската компанија, Брижит Бек поднесе оставка откако предложи европските земји да испратат швајцарско оружје во Украина бидејќи владата нема да интервенира.