Шумски пожар зафати воз во Шпанија, патниците ги искршиле прозорците за да побегнат
Шумски пожар зафати воз во Шпанија, во близина на Кастелон на североистокот на земјата. Дури 20 патници се здобиле со изгореници, од кои тројца потешко, откако скокнале од возот зафатен во пожар, пишува Гардијан.
Машиновозачот, кој го возел возот од Сагунто во источната провинција Валенсија до Сарагоса, го запрел возот кога видел дека поради пожарот е премногу опасено за да продолжи.
Откако застанал, се подготвувал да го врати возот наназад.
Но голем број патници, стравувајќи дека возот ќе се запали, ги скршиле стаклата и панично избегале. Двајца патници со најтешки изгореници се евакуирани со хеликоптер.
Останатите, меѓу кои и 10-годишно девојче, се префрлени во блиските болници. Според службите за итна помош, меѓу патниците кои се здобиле со најтешки изгореници по бегството од возот е и 58-годишна жена.
– Кога видоа дека се опкружени со оган, се вратија во возот и неколку од нив се здобија со изгореници, изјави портпаролот на шпанската железничка компанија Ренфе.
Ксимо Пуиг, претседателот на Валенсија, рече дека над 1.000 луѓе се евакуирани од своите домови поради силните ветрови што го разгореа пожарот во Бејис, Валенсија. Тој додаде дека двајца пожарникари се здобиле со изгореници.
Валенсија е последниот шпански регион кој се бори со сериозни шумски пожари за време на продолжениот топлотен бран во Шпанија. Пожарите доведоа до уништување на десетици илјади хектари шума.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп