Штипски солидарен фонд ќе им помага на деца и млади до 18 години со тешки и ретки болести
Идејата за Солидарен фонд за лекување деца и млади до 18 години кои имаат ретки болести и специфични болести доби поддршка од советниците во Советот на Општина Штип. Претседателот на Советот на Општина Штип, Јане Миланов истакна дека вакво тело претходно било формирано, но во пракса тоа не ги дало очекуваните резултати.
– Го направивме првиот чекор за заживување на оваа благородна идеја за да може овој фонд да овозможи издвојување на финансиски средства на лица со ретки и специфични болести за лекување во земјата и странство, а приоритет ќе имаат деца и млади до 18 години, вели Миланов.
Тој истакна дека со одлуката ќе следат и промени на членовите на Управниот одбор, со цел Солидарниот фонд да почне со своето функционирање.
– Новиот Управен одбор треба да изработи нов статут и да направи измени во статутот на фондацијата, што значи ќе се променат и целите на оваа фондација, во насока на финансиска поддршка на лицата, кои имаат тешки и ретки болести, рече Миланов.
Одлуката за формирање на Солидарен фонд, општината Штип ја донесе откако имаше голем број барања за собирање помош за лекување. Тоа иницираше идеја наместо по институциите, родителите да се обратат во општината, каде ќе се формира специјален фонд за оваа намена. Парите главно ќе се собираат од донации, а ќе се делат по точно утврдени критериуми.
Ново на Сител
-
Османи: Барањата на Вучиќ не треба да се сфатат сериозно, тој не сака Србите да се вратат во косовските институции
-
Петковиќ: Бислими одби трилатерална средба во Брисел
-
Претседателката Сиљановска Давкова ја прими грчката амбасадорка Филипиду
-
Пожар во парламентот во Романија, евакуирани 300 луѓе
-
Грузија донесе закон за семејни вредности и против промоција на хомосексуалните односи
-
Формиран Совет за управување со јавни финансии
-
Во сообраќајна несреќа во Тетово животот го загуби 61-годишен пешак
-
АХВ изрече мерка за дезинфекција во мензата во Воената академија - Утврдени причините за труењето