Штипјани се степале покрај Дебарско Езеро
Пет лица од Штип синоќа се степале покрај Дебарско Езеро при што едниот од нив се здобил со полесни повреди.
- Околу 23:45 часот, кај месноста „Удово“ покрај Дебарското Езеро, нарушен е јавниот ред и мир со физички напад од страна на лицата Д.Д., А.К и А.К. врз Г.С. и неговиот брат Е.С. сите од Штип. Во тепачката, од страна на лицето А.К. употребена е дрвена рачка од секира со која се нанесени повреди врз Е.С., како и оштетување на предната шофершајбна од патничко моторно возило „Даеву“ со штипски регистарски ознаки, изјави Стефан Димоски портпарол на Секторот за внатрешни работи од Охрид.
Според него, повредениот Е.С. е пренесен во Општата болница во Дебар од каде, по укажана медицинска помош е пуштен на домашно лекување. Учесниците во нарушувањето на јавниот ред и мир се приведени во Полициската станица од општа надлежност во Дебар, по што ќе биде поднесена соодветна пријава.
Кај месноста „Удово“ покрај брегот на езерото лоцирани се поголем број кафулиња, каде биле и лицата од Штип, кои најверојатно под дејство на алкохол се скарале и дошло до физички напад.
Ново на Сител
-
Ким ги поздрави севернокорејските команданти и војници кои се вратија од рускиот Курски регион
-
ОН: Бројот на неухранети деца во Газа од март е зголемен тројно
-
Апелациски суд во САД дозволи депортација на 60.000 имигранти од Хондурас, Никарагва и Непал
-
Џ. Д. Венс: Европа мора да го понесе лавовскиот дел од товарот за безбедноста во Украина
-
Поради пожар забрана за сообраќај на регионалниот пат Македонски Брод - Скопје
-
Седница на Националната комисија за УНЕСКО во Охрид
-
Мицкоски на увид на градежни активности на нова детска градинка во Кисела Вода
-
ЦУК: Активни пожарите во „Јасен“ и во атарот на селата Беловодица и Церово