Шпанскиот суд одлучи да не биде уапсен шефот на каталонската полиција
Шпанскиот суд одлучи лидерот на каталонската полиција, Жозеп Луис Траперо да не биде уапсен, и покрај барањето на обвинителот тој да биде притворен, додека е во тек истрагата за поттикнување на немирите.
Портпаролот на судот изјави дека пасошот на Траперо ќе му биде одземен и дека тој нема да може да ја напушти Шпанија додека трае истрагата. Покрај тоа, тој ќе треба да се појави пред суд на секои две недели. Шефот на каталонската полиција беше осомничен, но против него нема покренато обвиненија. Тој беше испрашуван во Мадрид заедно со неговиот заменик и претседателите на две сепаратистички организации.
Распитот се однесува на настаните, кои се случија за време на уличните протести во Барселона на 20 и 21 септември.
Обвинителството го обвини Траперо дека во септември на вработените во Националната цивилна гарда не им била дадена никаква помош, кога биле опколени во зградата на владата на Каталонија од приврзаници за независност.
Протестите во Барселона започнаа откако на 20 и 21 септември шпанската полиција вршеше претреси во канцеларии и домови во Каталонија, за да го спречи организирањето на референдумот за независност. Повеќе од 10 лица беа уапсени.
Ново на Сител
-
Му дала 18.500 евра за да и ја направи куќата, останала и без пари и без куќа
-
Авион кружи над Скопје и не може да слета поради густа магла
-
174 ученици отпишани во првото полугодие во Куманово, минатата година се отпишале 131
-
Без вода дел од корисниците на бул. „Видое Смилевски-Бато“ во Аеродром
-
Александар Камбовски е нов претседател на Судскиот совет
-
Со возилото кое излета во Вардар управувала една од починатите жени
-
Најмногу очекуваните 25 филма за 2025 година
-
Човекот во автомобилот-бомба пред хотелот на Трамп извршил самоубиство пред експлозијата