Шпанската Влада одби да ја прифати новата Влада на Каталонија
Шпанската Влада денеска ги прифати овластувањата на новоизбраниот каталонски лидер Ким Тора, но одби да ја прифати новата влада на Каталонија, затоа што во неа има министри обвинети за бунт против Шпанија.
Новиот каталонски премиер завчера го објави составот на својата Влада, во која влегоа двајца поранешни министри кои се наоѓаат во затвор, и двајца политичари кои живеат во егзил по обидот за одвојување на Каталонија од Шпанија.
Двајца од 13-те советници (министри) во регионалната Влада - Жорди Турул и Жозеп Рул се во притвор во близина на Мадрид, а други двајца - Тони Комин и Луис Пуч живеат во егзил во Белгија, каде што избегаа заедно со поранешниот регионален лидер Карлес Пуџдемон откако беше соборен од власт. Турул и Рул на Твитер соопштија дека ги прифаќаат функциите.
Според одредбите на итното законодавство, Мадрид треба да ја укине директната управа по формирањето на каталонската Влада и именувањето министри.
Меѓутоа, шпанската Влада соопшти дека именувањето на четворицата министри претставува отворена провокација, па сега е неизвесно кога ќе биде укинато директното владеење на Мадрид врз Каталонија.
Шпанскиот премиер Маријано Рахој изрази надеж дека Каталонија наскоро ќе формира одржлива влада која ќе ги почитува законите.
- Се надевам дека наскоро ќе биде формирана одржлива влада, која ги почитува законите и ќе почне дијалог со нас, рече Рахој.
Ново на Сител
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста