Шпанија се заканува дека ќе ја укине автономијата на Каталонија
Шпанските власти ќе побараат укинување на автономијата на Kаталонија, доколку лидерите на таа покраина не ги повлечат своите барања за независност, изјави шпанскиот заменик-премиер Сораја Саенз де Сантамарија.
- Доколку сепаратистичкиот лидер Карлос Пуџдемон не обезбеди задоволувачки одговор до утре, тогаш тој ќе испровоцира активирање на членот 155 од Уставот, изјави денеска Саенз де Сантамарија од парламентарната говорница.
Членот 155 од Уставот на Шпанија, дозволува на Владата во Мадрид директно да интервенира во управувањето со автономниот регион, и да стави крај на системот на самоуправа што е во сржта на демократскиот поредок на земјата.
По успешниот референдум за независност на Каталонија, претседателот на каталонската Влада Карлос Пуџдемон најави прогласување независност на овој регион, но со одложено дејство. Целта на ваквата одлука е да се остави простор за разговори со Мадрид, а централните власти и дадоа рок на Барселона до утре да даде дециден одговор дали прогласува независност или не.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид