Шпанија сака Македонија и Албанија заедно и што побргу да ги почнат преговорите со ЕУ
Шпанија е силен поддржувач на Македонија и се залага за одржување на првата меѓувладина конференција со ЕУ и со тоа старт на преговорите за членство, истакна претседателот на шпанската Влада Педро Санчез на средбата во Мадрид со македонскиот премиер Зоран Заев.
Санчез нагласи и дека Шпанија е за почеток на пристапните преговорите и за Македонија и за Албанија во исто време.
На денешната, прва средба на премиерско ниво на шефовите на владите на Македонија и Кралството Шпанија, Зоран Заев и Педро Санчез, изразено е исклучително задоволство од двете страни и средбата е оценета како историска и како нова, важна страница за натамошен развој на двете пријателски земји, соопшти владината прес-служба.
Премиерите Заев и Санчез на средбата, на која присуствуваше и заменик-претседателот во Владата задолжен за европски прашања, Никола Димитров, се согласија дека средбата е важна и заради евроинтеграциските процеси на Македонија имајќи ја предвид силната поддршка од Шпанија за одржувањето на првата меѓувладина конференција на Македонија со ЕУ и со тоа старт на преговорите.
Шпанија многу високо ги оценува реформите што ги спроведува Македонија, нагласи премиерот Санчез и потенцираше дека тоа, како и исполнувањето на другите критериуми за пристапување во ЕУ, се најважни процеси кои земјата ги оствари и испорача кон Брисел.
Двајцата премиери оваа прва средба на премиерско ниво ја оценија и како особено значајна за стопанствениците од двете земји и се согласија дека ќе земат уште поголемо учество во поттикнувањето на бизнисмените од двете страни да соработуваат на заеднички инвестициски проекти.
Меѓусебната поддршка меѓу двете земји и двете влади е очекувана бидејќи неопходно е прогресивните сили да се поддржуваат на патот кон просперитетот, нагласија премиерите Санчез и Заев.
Популарно од Македонија
Ново на Сител
-
Во јуни издадени за 39 отсто повеќе одобренија за градење од лани
-
Општина Касандра на Халкидики продолжува со отстранувањето на нелегално поставената опрема на плажите
-
Сиљановска-Давкова: Струга е пример за вредностите на Рамковниот договор и соживотот
-
Пронајдена дрога во кичевско, уапсени две лица
-
Ликот на Ерлинг Халанд осамна на 469 килограми кокаин вреден 20 милиони долари
-
Ја скинале сајлата и се скриле меѓу кутиите: Тројца мигранти од Судан пронајдени во камион во Скопје
-
Мета затвори над 750.000 профили во Австралија по забраната за пристап до социјалните медиуми за лица под 16 години
-
Андоновски: Македонија со скок од 29 позиции на Глобалниот индекс за сајбер безбедност
