Шојгу: До крајот на годината уште 2.000 воени вежби

Рускиот министер за одбрана Сергеј Шојгу денеска најави одржување на 2.000 воени вежби до крајот на оваа година со цел да се унапреди борбената готовност. 

Шојугу соопшти денеска, по состанокот со врховните офицери на војската на Русија, дека посебно внимание ќе биде насочено на обуката на тактичката борбена единица на војската, обука на подобранците, пилотите и морнарицата. 

Тој истакна дека војската се потпира на воените искуства кои ги стекнала во Сирија со цел да ја унапредат обуката, пренесува Танјуг. 

Шојгу најави дека воените вежби во Кавказ, закажани за во септември 2016 година, ќе бидат најголеми во оваа година. 

Воените вежби ќе опфатат заеднички маневри со Белорусија, Монголија и други земји.