Шимшек: Нема да има вонредни избори

Претседателот на Турција, Реџеп Таип Ердоган јасно даде на знаење дека нема планови да го распушти Парламентот и да свика вонредни избори пред редовните во 2019 година, изјави заменик-премиер Мехмет Шимшек, во интервју за Ројтерс, јави Танјуг. 

Еден ден по победата на Ердоган на референдумот, со кој се прошируваат претседателските овластувања, Шимшек истакна дека односите со Европската унија би требало да бидат некои од заедничките интереси, додавајќи дека тензиите во односите меѓу Анкара и Европа би требало да стивнат по изборите ширум Европа. 

- Претседателот вчера јасно даде на знаење дека изборите ќе се одржат во ноември 2019 година. Тоа е мошне јасно. Имаме работа, рече Шимшек.