Шилегов: Во недела изберете развој на Скопје, демократска и отворена власт
Актуелниот и иден градоначалникот Шилегов со видеопорака се обрати на граѓаните на Скопје, масовно да излезат на гласање во недела, на 31 октомври.
„31 октомври, драги скопјанки и скопјани, е денот кога вие одлучувате каков ќе биде нашиот град следните четири години. Вие одлучувате дали заедно ќе продолжиме по патот кој јасно го зацртавме, патот на развојот, демократијата, сигурноста, стабилноста и вистинските приоритети или ќе се вратиме во времето на митови, лаги, страв, закани, криење од јавноста и злоупотреби на градот за приватни цели. Скопје за четири години доживеа целосна промена и тргна во правилна насока. Тоа е она што го нудам во следниот мандат, да го завршиме започнатото и да изградиме европски и чист град со модерен јавен транспорт и квалитетна инфраструктура. Од другата страна се понудија многу празни зборови, но уште поопасно, многу лаги. Лагите и криењето од вас граѓаните не смеат да бидат составен дел политичката култура во Скопје. Бегањето од јавноста, бегањето од дебата и криење на вистината е нешто што сите ние заедно го искоренивме во 2017 година. Криењето на вистината е страв од сопствените граѓани. За жал, тоа деновиве повторно го гледаме во режија на ВМРО ДПМНЕ и нивната кандидатка“, вели градоначалникот Шилегов во своето обраќање.
„Ваквото однесување е неодговорно кон вас скопјани, но и опасно потсетува на време кое верувам дека никој не сака да се врати. Со ова тие потврдуваат дека нема никаква промена во начинот на кој сакаат да го водат градот. Во недела вие избирате помеѓу развојот на Скопје кој го започнавме заедно, отворена и демократска власт или предавање на Скопје на истите луѓе кои со децении го уништуваа и работеа само за свој личен интерес. На 31 октомври излезете и изберете силно и обединето, заедничко Скопје. Изберете напредок, изберете Скопје каде луѓето а не политиката се важни“, потенцира градоначалникот Шилегов.
Ново на Сител
-
Пораз од Романија за македонските кадетки на ЕП во Црна Гора
-
Странските криминалци осудени во Велика Британија веднаш ќе бидат депортирани
-
Советот за безбедност на ОН свика итна седница поради планот на Израел за окупирање на градот Газа
-
Голем пожар на југот на Албанија, евакуирани села
-
Акциска контрола во Скопје: Казнети 99 возачи, приведени двајца малолетници, санкции за угостителски објекти
-
Од вкупно 22 пожари на отворен простор низ државата, активен е само пожарот во Националниот парк Јасен
-
Стармер и Макрон ветија дека ќе работат за праведен и траен мир во Украина
-
Зеленски им се заблагодари на европските лидери за заедничката изјава за мир во Украина