Шест албански државјани депортирани од Македонија
Шестте албански државјани од Либражд и Кукс, кои вчера наутро биле откриени при претрес на куќа во гостиварското село Чајле се депортирани во матичната земја, информираат од СВР Тетово.
Според портпаролот на СВР Тетово Марјан Јосифоски, при претресот реализиран со судска наредба од полициски службеници на СВР Тетово-Полициска станица Гостивар во куќата и помошните простории на 52-годишниот Д.Ј. во гостиварското село Чајле, беа затекнати повеќе лица кои го немале регулирано престојот во земјава.
- По извршениот разговор со нив, вчера попладне изведени се пред судија за прекршоци на Основниот суд Гостивар. Нешто подоцна, преку граничниот премин Блато, тие се депортирани во нивната матична земја, откако претходно им се изречени забрани за влез во нашата земја од една до пет години, рече Јосифоски.
Албанските државјани на возраст од 22 до 47 години, немале пријавено престој, не поседувале лични документи и нелегално работеле на подрачјето како надничари или биле ангажирани со градежни активности.
Годинава, заради не регулиран престој од поширокиот гостиварски регион, депортирани беа десетина странски државјани. Минатата година, на поширокото гостиварско подрачје вкупно биле откриени 42 странски државјани, најмногу од Република Албанија. Повеќето, непријавено престојувале или престојувале спротивно на целта и нелеглно работеле на подрачјето. Некои од странските државјани, илегално влегле во нашата земја, бидејќи имале важечка забрана за влез.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен