Шефот на Пентагон во посета на Израел

Американскиот министер за одбрана Ештон Картер изјави денеска дека не очекува дека ќе ги убеди израелските лидери да го променат ставот за нуклеарниот договор со Иран, како и дека договорот не ги ограничува можностите на Вашингтон да гарантира безбедност на Израел и арапските сојузници. 

- Нашата способност да спроведеме одбранбена стратегија е непроменета, изјави Картер во авион на пат за Тел Авив, каде денеска ќе се сретне со израелскиот министер за одбрана Моше Јалон, а утре со премиерот Бенјамин Нетанјаху. 

Картер истакна дека Вашингтон се уште има право да употреби воена сила против Иран, ако тоа биде неопходно, но дека целта на договорот е тоа да се спречи со дипломатско решавање на проблемот. 

- Нема да се обидам да променам нeчие мислење за Израел. Можеме да се согласиме дека не се согласуваме, истакна тој.