Шахпаска: Не се откажуваме од зголемување на надоместот на лица со попреченост, тие ни се високо на агендата
Ние не се откажуваме од зголемување на паричниот надомест на лицата со попреченост. Зголемување на надоместот кој што е предвиден во програмата, е за 15 проценти. Јас не дадов рок, но ќе испорачаме се она што беше наше ветување и што беше дел од владина програма, рече министерката за труд и социјална политика Јагода Шахпаска.
Запрашана зошто по денешната средба со претставниците од Коалицијата „Менуваме“ нивните барања повторно не се испорачани, министерката посочи дека поради Ковид-19 реализацијата на покачување на надоместот беше пролонгирана, а ребалансот на буџетот веќе е затворен.
Покачувањето на овој надоместот, како што рече, ќе се планира во буџетот за наредната година.
-Ние како Министерство остваривме средба со нивните претставници и разговаравме за нивните барања што ќе ги адресираат до повеќе сектори, затоа што ова е проблем и прашање во чие менаџирање треба да имаме еден мултидисциплинарен пристап со неколку Министерства. Нивното барање во делот на зголемување на паричниот надомест заради попреченост, ние не се откажуваме од тоа, изјави денеска Шахпаска во одговор на прашање, по посетата на новиот Центар за поддршка на згрижувачки семејства.
Таа информира дека и биле адресирани одредени прашања од страна на претставничка на Здружението на родители на деца со попреченост, односно со аутизам, и појасни дека по локалните избори ќе оствари средба со градоначалниците за да иницира во што е можно пократок рок да се испорачаат сите барања од овие претставници, во смисла на отворање дневни и рерурсни центри.
– Еве јас јавно по завршувањето на локалните избори ќе остварам средба со градоначалниците за да ги иницирам и притиснам во еден разумен што пократок временски рок да можат да испорачаат услуги и сервиси и она што беше барање на претставници на состанок во смисла на отворање на дневни центри и отворање на рерурсни центри. За нас лицата со попреченост се навистина високо на агендата, рече Шахпаска.
Ново на Сител
-
Приведен 44-годишен кумановец, се заканувал на полициски службеници и носел остар предмет
-
65-годишна жена измамена преку социјална мрежа за сума од 6.700 евра
-
До крајот на месецов треба да биде познато какви мерки би се донеле за зголемувањето на цените
-
68-годишник од Скопје измамен од женско лице за сума од 48.875 денари
-
Кривична против 49-годишник од Дебар, физички нападнал адвокат во судница
-
Муцунски и Лами ја потпишаа Декларација за стратешко партнерство
-
Приведен 32-годишник од Струга, при претрес во неговиот дом пронајдена е дрога
-
Акциска контрола во угостителски објект во тетовско, приведени сопственикот и пет странски државјанки