Шабан цело време гледаше на часовникот, како несреќата да го влечеше: Преживеаниот сопатник со морничави детали за трагедијата

Вчера рано утрото на автопатот А2 во Германија загина кралот на фолк музиката Шабан Шаулиќ, а спасувачките екипи од смачканиот „сеат“ ги извлекоа телата на тројцата тешко повредени мажи.

Во автомобилот беше и неговиот кум Слободан Стојадиновиќ кој седел зад пејачот при несреќата.

Тој за српски „Блиц“ од болничкиот кревет раскажа како се случил кобниот настан.

-До четири часот наутро имавме настап, потоа се договоривме да легнеме во хотелот, бидејќи авионот ни беше рано наутро. Дојдовме во хотелот, спиевме еден час и потоа станавме. Шабан веќе беше станат и подготвен и ми тропна на вратата, а јас го прашав: „Па зошто брзаш?“, а тој ми кажа: „Ајде побрзо, зошто доцниш, брзаме“. Малку ми беше чудно зошто ме бара, бидејќи претходно никогаш не го правел тоа. Откако тргнавме малку беше нервозен и ми замери што не го разбудив три минути порано, три минути, не можев да верувам. Цел беше чуден, вели Стојадиновиќ.

Тој додава дека пејачот цело време бил нестрплив.

-Целото време гледаше на часовникот, дури пет пати, како негде да брзаше, како несреќата да го влечеше. Додека патувавме зборувавме за нашите луѓе кои живеат овде и земаат пензија. На „Сеатот“ лоши му беа светлата, а Шабан тоа го забележа, по што Мирсад му рече дека ќе вози со долги светла. Не изговоривме ниту пет збора и бам… ние претходно кочевме бидејќи имаше работници на патот, а потоа со голема брзина зад нас не мавна автомобилот. Седев зад Шабан, а зад Мирсад беше неговиот инструмент, синтесајзерот кој го мавна по глава и доби тежок удар, раскажува менаџерот на пејачот.

Тој вели дека Шабан неколку пати паѓал во несвест и се будел додека гледал како го сечат автомобилот, а докторите го оживувале Мирсад.

-Потоа прашав каде е Шабан бидејќи видов дека го нема и во тој момент се онесвестив. Потоа ме изнесоа и видов дека дојдоа голем број на екипи на брзата помош. Сопругата на Шабан претходно го бараше него околу 50 пати, а исто толку таа ѕвонеше кај мене. Откако и кажав дека малку сум повреден, а Шабан не е покрај мене настана хаос…, вели тој.