Северна Кореја истрела ракети со краток досег и се обиде да го блокира јужнокорејскиот ГПС систем
Северна Кореја истрелала ракети со краток досег во морето и се обидела да го блокира ГПС системот во Јужна Кореја, изјавија јужнокорејски официјлани претставници, јави Танјуг.
Севернокорејската агенција КЦНА утринава соопшти дека лидерот Ким Џонг-ун изразил „големо задоволство“ следејќи го во живо тестирањето на новиот ракетен систем, но не наведува кога и каде била одржана оваа проба, пренесоа американските медиуми.
Претставници на јужнокорејската војска вчера соопштија дека е забележено дека Пјонгјанг покрај својот источен брег истрелал проектил земја-воздух, но засега не е познато дали двата настана се поврзани.
Покрај тоа, јужнокорејски претставници наведуваат за обид за блокирања на ГПС сигналот, што бил почнат во четвртокот и не предизвикал поголеми нарушувања во работата на јужнокорејската војска, воздухопловниот и бродскиот сообраќај, како ни во телекомуникациските системи.
Повеќе од 130 рибарски бродови, меѓутоа, пријавиле проблеми со своите навигациски системи, а некои од нив морале да се вратат во пристаништето, информира јужнокорејското Министерство за морнарица и рибарство.
Обидот за блокирање на ГПС системиот јужнокорејското Министерство за одбрана го нарече провокација која ја загрозуава јавната безбедност и функционирањето на војската во оваа земја, додека војската на Јужна Кореја ја предупреди Северна Кореја веднаш да ги прекине овие обиди или ќе се соочи со последиците.
Ново на Сител
-
Променливо облачно со претпладневен локален дожд
-
Полицајци спречија ширење на пожар на СЦ Борис Трајковски | ВИДЕО
-
Ангелов: Сите пожари во скопскиот регион се изгаснати или ставени под целосна контрола
-
Јаневска: Ќе има учебници по сите предмети и во основното и во средното образование
-
Невреме со јак ветер во Скопје, неколку пожари и материјална штета
-
Изгаснат пожарот во прилепската населба Варош
-
По растот на БДП во првиот квартал, Мицкоски очекува растот да продолжи во вториот и третиот квартал годинава
-
Ненадејно почина психијатарот и ексдиректор на „Здравствен дом Скопје“ Виктор Исјановски