Сеул: Севернокорејски активности навестуваат нови ракетни тестирања

Радиосигнали и активиран радар во ракетна севернокорејска база, најавуваат дека Пјонгјанг се подготвува за нова ракетна проба, јавија јужнокорејски медиуми.

Северна Кореја не извршила ракетни тестови од 15 септември.

Јапонски медиуми јавуваат дека Владата во Токио е во состојба на подготвеност по регистрирањето радиосигнали.

Јужнокорејската агенција Јонхап повикувајќи се на владин извор, објави дека радар за следење ракети бил активиран во севернокорејска база без да се нагласи која база. Засега нема коментари од јужнокорејското Министерство за одбрана.