Сериски силувач уапсен кај белградското училиште „Владислав Рибникар“
Српскиот сериски силувач, Игор Милошевиќ кој годинава беше ослободен, денеска е уапсен на Врачар во Белград, во близина на ОУ „Владислав Рибникар“ каде во мај годинава 13-годишниот ученик Коста Кецмановиќ изврши масовно убиство. Милошевиќ е уапсен поради сомнение дека сторил кривично дело неовластено држење наркотични дроги.
Блиц објави фотографии од неговото апсење, на кои се гледа како Милошевиќ со детски ранец на грб го внесува полицијата во автомобил. На Милошевиќ му е одредена мерка притвор во траење од 48 часа, по што ќе биде сослушан пред обвинителот.
Игор Милошевиќ беше пуштен од затвор на 20 септември минатата година по издржувањето на затворската казна, а десет дена подоцна беше уапсен под сомнение дека сторил дело загрозување на безбедноста.
Но, поради недостиг на докази тој беше ослободен од обвинението и од април годинава повторно беше на слобода. Милошевиќ помина 15 години во затвор поради серија силувања.
Станува збор за човек кој повеќе пати го повторувал кривичното дело силување. Тој беше апсен неколку пати и е многу опасен човек. Наводно почнал да злоставува на 14 години.
Ново на Сител
-
Русите го кренаа степенот на подготвеност на лансирните системи што можат да носат нуклеарно оружје
-
Состојба на патиштата
-
Студено утро, сончево преку ден
-
Штипјанка пронашла делови од човечко тело за кои претпоставува дека се на нејзината мајка
-
Почина маж по пад од дрво, приведена неговата невенчана сопруга
-
АА: Братството со Србија го откри вистинското лице на оваа Влада
-
Ердоган: Нетанјаху ќе биде запрен како Хитлер
-
Царинската управа ќе работи на воспоставување на нов граничен премин Клепало