Сергеј Рибјаков откажа средба со американскиот заменик државен секретар

Заменик министерот за надворешни работи на Русија, Сергеј Рибјаков откажа денеска разговори со заменикот државен секретар на САД, Томас Шен, откако САД воведоа нови санкции против Москва.

Според МНР на Русија, „ситуацијата не е поволна за да се одржи тој дијалог“ и упати критики до САД бидејќи „не понудиле, ниту нудат нешто конкретно“ за што може да се разговара.

Администрацијата на САД објави вчера дека воведува санкции за 38 руски лица и фирми поради руски активности во Украина.

Кремљ изрази жалење поради воведените санкции и најави можна одмазда.