Семејството на Принс организира концерт во чест на славниот музичар

На стадионот во Минеаполис ќе се одржи концерт во чест на славниот музичар Принс. Продажбата на билетите ќе започне следниот месец, а првите имиња на изведувачите ќе бидат познати наскоро, пишува списанието „НМЕ“.

- Возбудени сме што ќе ги собереме сите на семејната прослава на музиката на Принс и неговото наследство, а нема подобро место за тоа од неговиот роден град Минеаполис, изјавиле членови на семејството на славниот музичар.

Принс почина на 57-годишна возраст во својот стан Пејсли Парк во Минеаполис на 21 април од предозирање со лекови. 

Во меѓувреме, семејството на Принс најави дека Пејсли Парк ќе биде претворен во музеј.