Селекција на отпад во Крива Паланка
Јавното претпријатие „Комуналец“ од Крива Паланка постави контејнери за селекција на хартија и пластика на повеќе локации во централното градско подрачје, а со ова отпочна подготвителната фаза за најавената дислокација на главната градска депонија, информира директорот Томе Тодоровски.
- На ударните локации во градот поставивме садови за селекција на отпадот кои се изработени од страна на нашите вработени. Се селектира пластика и хартија, а ова претставува подготовка за претстојната дислокација на главната градска депонија од село Конопница во Ранковце, каде се планира да биде лоцирана новата регионална депонија, изјави Тодоровски.
Предвидено е ЈП „Комуналец“ да формира транспортен центар за депонирање на отпадот каде покрај транспорт ќе се врши и негова селекција.
- Селектираниот отпад значи и намалување на комуналниот отпад, за чие депонирање во друга општина ќе треба да се плаќа. Од една страна се намалува отпадот, а од друга страна во иднина ќе обезбедиме и одредени финансиски средства со предавањето на селектираниот отпад на откупните центри, додаде Тодоровски.
Нагласи дека Паланчани веќе се навикнале на селекција на отпадот, истиот вработените во „Комуналец“ го собираат еднаш неделно, а наскоро оваа активност ќе се спроведува два пати во неделата.
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228