Секс скандал го тресе украинскиот Парламент
Пратеничките во украинската Врховна Рада бараат оставка од претседателот на Комисијата за надворешна политика, Богдан Јаременко поради негова наводна вмешаност во секс скандал.
Иницијативата е предложена од пратеничката на „Опозициска платформа – За живот“ Антонина Славицкаја.
Јаременко, кој е пратеник од партијата „Слуга на народот“, е обвинет за вмешаност во „сексуален скандал“, откако во украинските медиуми вчера се објавени снимки и фотографии како тој за време на собраниска седница се допишува со евентуална „сексуална работничка“ и бара нејзини услуги. На една од фотографиите се гледа како Јаременко некому му напишал на руски јазик: „Услови за средба со тебе“, а потоа од соговорникот добил одговор: „Здраво. Вашето место. Сексот е заштитен, класичен и орален. Анален – табу. Еден час – 100 долари, а два часа – 150 долари“.
Пратеничката Славицкаја смета дека однесувањето на нејзиниот колега е непрофесионално и срамно. Таа потенцира дека бесот не е предизвикан од самиот сексуален скандал, туку од „многуте лаги кои се изговорени и оправдувањето за тоа однесување“. Пратеничката истакна дека Комисијата за надворешна политика „има многу достојни жени, кои се подготвени да ја преземат претседателската функција“.
Поддршка на иницијативата за оставка на Јаременко даде и Ирина Гераштенко од партијата „Европска солидарност“. Според неа, постапката на пратеникот ги буди најлошите митови за Украина, дека тука може да се „купи“ жена за 100 долари.
– Тоа е срамно и сметам дека претседателот на Комисијата треба да поднесе оставка, изјави Гераштенко.
Ново на Сител
-
Течат роковите за приговори до ДИК, партиите продолжуваат со изборните активности
-
ЦУК: 1.694 повици на 112 во последното деноноќие
-
Состојба на патиштата
-
САД денеска ќе објават нов пакет помош во оружје за Украина вреден шест милијарди долари
-
Додик подготвен да се поклони пред бошњачките жртви во Сребреница, но не признава геноцид
-
Зеленски повика на инвестиции во украинската одбранбена индустрија
-
Утрото постудено, преку денот сончево со умерена облачност
-
Пентагон соопшти дека почнала изградбата на привремено пристаниште во Појасот Газа