СЕХА: Вардар остана непоразен во Веспрем
Ракометарите на Вардар одиграа нерешено 28:28 во натпревар од СЕХА лигата вечерва на гостувањето кај актуелниот шампион Веспрем. Голот вреден бод и нерешен резултат го постигна Игор Карачиќ во последната секунда со удар од седум метри. Вардар со тоа остана непоразен во СЕХА лигата.
„Црвено-црните“ подобро го почнаа натпреварот и имаа водство од 6:1, но во финишот на првиот дел Веспрем успеа да изедначи на 12:12. Во вториот дел унгарскиот шампион водеше, а Вардар изедначи во последната секунда.
Момир Илиќ кај Веспрем и Лука Циндриќ кај Вардар со по 6 голови беа најефикасни, додека Петар Ангелов дуелот го заврши со 11 одбрани.
На другите два дуела одиграни вечерва: Горење – Загреб 27:26 и Татран Прешов – Извиѓач 27:25.
Табела: Вардар 32 бода, Загреб 22, Веспрем 22, Мешков Брест 20, Цеље 18, Горење 12, Татран Прешов 10, Нексе 8, Металург 7, Извиѓач 3.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица