СЕХА лига: Според Металург, Вардар е фаворит

За разлика од нив, Металург е повратник во ова натпреварување откако лани паузираше.

На денешниот прес во пресрет на дуелот со Вардар што ќе се игра утре во СЦ „Борис Трајковски“ од 20:30 часот тренерот Лино Червар изјави:

- Важно за Металург преку натпреварите од СЕХА лигата играчите на Металург да го стекнат неопходното искуство. СЕХА лигата оваа година е најсилна од своето постоење. Вардар е фаворит во овој дуел, а ние утре ќе се потрудиме да дадеме што е можно посилен отпор, а имаме и голем мотив.

Капитенот Филип Талевски истакна:

- Натпреварите против Вардар, Веспрем, Цеље, за нас се предизвик и ќе играме со голема мотивација. Се надевам дека ќе прикажеме добра игра и дека ќе имаме поддршка од трибините.

репрезентативецот во дресот на тимот од Автокоманда Филип Кузмановски изјави:

- Ние сме млада екипа и Вардар е фаворит, но ние имаме огромен мотив. Мислам дека ако одиграме добро можеме да се надеваме и на добар резултат.