Седуммина мртви во експлозија на нагазна мина во Сирија
Седум лица загинаа, вклучувајќи и едно дете, во експлозијата на мина во провинцијата Хомс, во Сирија, јави денеска Сирискиот Центар за мониторинг на човекови права.
Мината експлодирала додека возило се спуштало по пат во близина на историскиот град Палмира, го уништила возилото и ги убила сите патници, вклучувајќи две жени, дете и четири мажи, наведе Центарот чие седиште е во Велика Британија.
Експлозивите, што сите страни во конфликтот во Сирија ги оставиле низ полињата, веднаш до патиштата или дури и во згради, досега повредија илјадници цивили и убија уште стотици. Во 2020 година, регистрирани се 182 жртви на касетна муниција што е речиси половина од 360-те жртви во светот, се наведува во извештајот од неодамнешниот мониторинг на нагазните мини и касетната муниција (ICBL-CMC), истражувачка и надзорна филијала на Меѓународното движење за забрана на мини.
ICBL-CMC пријави вкупно 4.099 жртви на касетната муниција во Сирија, од кои 2.102 биле во напади и 1.997 од оставена касетна муниција.
Ново на Сител
-
Комбе со мигранти се преврте на автопатот кај Бела Паланка, околу 50 повредени
-
По барањето од ОЈО Скопје, одложена закажаната расправа за убиството на Вања и Панче
-
Мицкоски: Скопје стои како симбол на издржливост и солидарност
-
Николоски: Градежните работи на експресниот пат Градско - Прилеп се засилуваат од август, до крај на годината ќе се вози по нов пат од Градско до Дреново
-
Собраниска делегација положи цвеќе пред споменикот на жртвите од земјотресот во Скопје
-
Шефот на албанската дипломатија, Хасани кандидат за генерален секретар на ОБСЕ
-
Се возеле со мотори и АТВ во заштитениот дел на Шар Планина, покрената постапка
-
Во следните денови постепено зголемување на температурата