Седници на три собраниски комисиии
Во Собранието на Република Македонија денеска седници ќе одржат комисиите за образование, наука и спорт, за финансирање и буџет и Комисијата за прашања на изборите и именувањата.
На Комисијата за прашања на изборите и именувањата треба да биде утврдена Предлог-одлуката за разрешување на генералниот секретар на Собранието на Република Македонија, односно за именување на нов генерален секретар на Собранието, како и за именување на заменици на генералниот секретар.
На дневниот ред се и предлог-одлуките за избор на членови на Комитетот за односи меѓу заедниците, за изменување и дополнување на Одлуката за избор на претседатели, заменици на претседателите, членови и нивни заменици на комисиите на Собранието на Република Македонија, како и предлог-одлуки за утврдување на составот на делегациите на македонското Собрание во повеќе меѓународни организации и во Парламентарниот комитет за стабилизација и асоцијација.
Оваа Комисија треба да ја утврди и Предлог - одлуката за именување на претседател, потпретседател, членови и заменици - членови на Националниот совет за евроинтеграции.
Комисија за образование, наука и спорт треба да се произнесе по Годишниот извештај за работата на Универзитетот "Гоце Делчев" во Штип за 2015/2016 година, по Извештајот за работата на ректорот на Државниот универзитет во Тетово за периодот 2015/2016 година, како и по Извештајот на ректорот на Универзитетот за информатички науки и технологии „Св. Апостол Павле“ - Охрид за работата на Универзитетот за периодот 2016 година.
Членовите на собраниската Комисија за финансирање и буџет ќе го разгледаат Предлогот на Завршна сметка на Буџетот на Република Македонија за 2016 година.
Ново на Сител
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах
-
Муцунски: Членството во НАТО придонесува за зајакнување на колективната безбедност
-
ЦУК апелира за редовно чистење на локалните одводни канали
-
Пациент почина на Инфективна поради компликации од Западно-нилска треска