Седници на шест собраниски комисии

Во Собранието на Република Македонија денеска ќе заседаваат комисиите за политички систем и односи меѓу заедниците, за надворешна политика, за транспорт, врски и екологија, за труд и социјална политика, Законодавно-правната и Постојаната анкетна комисија за заштита на слободите и правата на граѓанинот.

Постојаната анкетна комисија организира јавна расправа на тема „Храната како основно човеково право“, пред Комисијата за политички систем е Предлог - законот за изменување и дополнување на Законот за Академијата за судии и јавни обвинители, во прво читање, додека Комисијата за транспорт ќе расправа по Предлог - законот за изменување и дополнување на Законот за аудио и аудиовизуелни медиумски услуги и по Предлог - законот за изменување и дополнување на Законот за основање на Јавно претпријатие Македонска радиодифузија, двата во второ читање.

Комисијата за труд ќе го разгледа Предлог - законот за изменување и дополнување на Законот за минимална плата, по скратена постапка во второ читање, а Законодавно-правната комисија која ќе одржи две седници, ќе расправа по измените и дополнувањата на Законот за Академијата за судии и јавни обвинители во прво читање и по измените и дополнувањата на Законот за минимална плата.