Седница на Мешовитата македонско-баварска меѓувладина комисија
Мешовитата македонско-баварска меѓувладина комисија вчера и денеска ја одржа осмата седница.
Со Седницата на која присуствуваа претставници од ресорни министерства копретседаваа Јадранка Чаушевска Димов, директор за билатерални односи со европски држави во Министерството за надворешни работи на Република Македонија и Клаус Улрих, директор за меѓународни односи во Канцеларијата на германската Покраина Баварија.
Двете делегации ги поздравија постигнатите резултати преку имплементираните проекти во изминатите 17 години во областите од заеднички интерес. Континуираната експертска поддршка од Баварија, преку пренесување на знаења во различни полиња е од особено значење за приближување на нашата земја до европските стандарди. Баварската страна го потврди интересот за продолжување на заложбите за партнерска и блиска соработка со Република Македонија.
Двете делегации договорија заеднички проекти во областа на економијата, јавната администрација, образованието и науката, внатрешните работи, правосудството, земјодолството и животната средина, кои ќе се имплементираат во наредниот двегодишен период (2018-2019).
Ново на Сител
-
КИНСИВ во М-НАВ ќе го истражува безбедносниот настан на небото над Скопје од 7 септември
-
Бугарскиот амбасадор Желјаско Радуков на разговор во МНР
-
Деветте нови лекови на позитивната листа од денеска во аптеките
-
Делегација од германскиот Бундестаг во посета на Собранието
-
Идентификуван напаѓачот на Трамп, инцидентот се истражува како „обид за убиство“
-
Состојба на патиштата
-
Променливо облачно со сончеви периоди
-
Изгоре помошна просторија на куќа во Струмица