Седница на Главниот штаб за управување со кризи при ЦУК
Седница на Главниот штаб за управување со кризи при Центарот за управување со кризи (ЦУК) се одржа денеска преку видеоконференциска интернет врска. Штабот е оперативно стручно тело што раководи со активностите за превенција и справување со кризни ситуации, соопшти ЦУК.
Со седницата на Главниот штаб раководеше, в.д. директорот на ЦУК, Стојанче Ангелов, од својот кабинет, а на видеоконференцијата учествуваа претставници на субјекти во системот за управување со кризи назначени согласно и Законот за управување со кризи. На седницата, покрај состојбата во државата во различни ресори, беа разгледани и определени активности на институциите, а и насоки за обезбедување валидно информирање на граѓаните и спречување на ширење дезинформации. Тоа е со цел за поголемо и посеофатно дејствување во насока на превенција и справување со ширењето на Ковид-19 предизвикана од вирусот „SARS-CcV-2“, заштита на здравјето и животот на населението преку сеопфатно координирани мерки и активности на субјектите во системот за управување со кризи, како и рационалнио и ефикасно искористување на расположивите национални ресурси, информираат од ЦУК.
Истовремено е одлучено да се формира и заеднички Медиа центар при Главниот штаб за управување со кризи, заради координирано тековно информирање на јавноста за активностите коишто произлегуваат од Акциски план што го изготви ЦУК, што е во директна насока за превенција и справување со ширењето на Ковид-19 предизвикана од вирусот „SARS-CcV-2“ со што се загрозува безбедноста и здравјето на населението.
Центарот за управување со кризи е во постојано заседавање, а работи и на зајакнување на капацитетите на Главниот штаб за управување со кризи при ЦУК и со надворешни соработници од невладиниот сектор, стои во соопштението.
Ново на Сител
-
Нови собири низ Србија на „Граѓани против блокадите“
-
Емине Ердоган ја повика Меланија Трамп да изрази сочувство и за децата во Појасот Газа
-
Најмалку 25 луѓе загинаа при израелските напади врз Појасот Газа
-
Македонските кошаркарки поразени од Бугарија на кадетското ЕП
-
Министерството за правда на САД објави сведоштва на партнерката на Епстајн, но не и списокот на клиенти
-
Популацијата во Грција се намалила за околу 500 илјади лица во периодот 2011-2024 година
-
Железничкиот сообраќај во Црна Гора во прекин поради штрајк на диспечерите
-
Во Скопје е пронајдена малолетничката за која беше пријавено дека била одземена од Охрид