-->
-->
Седењето е опасно колку и пушењето
-->
Долготрајното седење може сериозно да влијае на здравјето, а според последните истражувања во Велика Британија, од ваквиот начин на однесување годишно умираат 70.000 луѓе, повеќе отколку од рак на белите дробови, пренесува Daily Mail.
Многу луѓе минуваат повеќе од 10 часа дневно седејќи и тоа не само на работното место. Премногу седење може да го зголеми ризикот од различни болести и да предизвика смрт. Исто така, влијае на хормоните, метаболизмот и може да предизвика воспаление во организмот.
Според најновите истражувања, повеќе од третина луѓе минуваат повеќе време во седење во текот на викендот, за работното биро во текот на неделата, а слободното време често го минуваат пред екраните.
Оваа навика може да го зголеми ризикот од различни смртоносни заболувања. Во Велика Британија, поради ваквиот начин на живот, починале 70.000 луѓе во 2016 година.
Истражувачи од Кралскиот Универзитет во Белфаст и Универзитетот Улстер заклучиле дека е потребно да се преземат мерки на намалување на седењето во цел подобрување на здравјето на луѓето, како и намалување на финансиското оптоварување во здравството.
Болести кои се поврзуваат со долго седење, освен дебелината како состојба, се кардиоваскуларните заболувања, дијабетес тип 2, одредени облици на рак, како што е ракот на белите дробови и предвремена смрт од различни причини.
Седењето, исто така, влијае на мозокот, на расположените, на спознајните способности, на паметењето и го зголемува ризикот од деменција. Седењето има такви поразителни ефекти на здравјето што лекарите овој начин на однесување го нарекуваат „ново пушење“.
-->
-->
-->
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд