Се затвори завесата на Вевчанскиот карневал

Со традиционалното василичарско оро и палење на маските се спушти завесата на годинешното издание на Вевчанскиот карневал. Со овој чин се верува дека злото ќе биде избркано, оставајќи простор за нови почетоци исполнети со здравје, бериќет и благосостојба. Претходно зетот, невестата, ѓаволите и глупавите Августи заедно со останатите маскирани, ги посетија семејствата, чии членови го носат името посветено на Свети Василиј.

По палењето на маските, односно уште утре ќе почнат да планираат во што да се маскираат следната година. Добро познато е дека вевчанци ќе кажат се’, но до карневалското дефиле не откриваат во што ќе се маскираат.

Карневалот според своите специфични особини се одвојува од останатите во светот поради неговата архаичност, традиционалност, таинственост и уникатни маски.