Се реконструира спортската сала во штипското основно училиште „Ванчо Прќе“
Почна реконструкцијата на спортската сала во едно од најголемите и најстарите основни училишта во Штип. Директорката на ООУ „Ванчо Прке“–Штип Весна Ничева на прес-конференција истакна дека од денеска се заменуваат прозорците со цел учениците да имаат современи услови за одржување на редовната настава по физичко образование и воспитание.
- Во спортската сала во ООУ „Ванчо Прке“ старите и дотраени прозорци се заменуваат со нови, а исто така во училишниот двор на спортското игралиште е направена промена на оградата така има една поубава слика на спортскиот терен. Инвестицијата е вредна околу еден милион денари, рече Ничева.
Маја Ашкилова, советник за спорт во општина Штип информира дека обезбедени се околу 2,8 милиони денари од Министерството за образование и наука за реконструкција на спортските сали и изградба и реконструкција на отворените спортски терени во основните училишта.
- По реконструкцијата на спортската сала во ООУ „Ванчо Прке следна реконструкција е на спортската сала во ООУ „Тошо Арсов“. Се градат и спортски терени во подрачните училишта во селата Селце и Лакавица, Чардаклија и во Шашаварлија. Во моментов се работи на реконструкција и на спортските соблекувални во ООУ „Димитар Влахов“, рече Ашкилова.
Таа додаде дека општината заврши со оградување на спортскиот терен во населбата Горна Железничка, а во моментов се работи на оградување на игралиштето во населбата Ново село. По завршување на овој спортски терен екипите ќе работат и на спортските игралишта во населбата Пребег, Дузлак и во село Караорман.
Ашкилова информира дека останува да се реконструира и спортската сала во Средното електро-машинско училиште „Коле Нехтенин“, каде што треба да се санираат подот и прозорците.
Ново на Сител
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест