Се повеќе обвиненија за сексуално злоставување во Европарламентот
Група пратеници од Европскиот парламент денеска побараа надворешна истрага по обвиненијата од десетици жени, кои Европарламентот го опишаа како „легло на сексуално злоставување“.
Пратениците побараа и формирање посебен одбор кој треба да им помогне на жртвите на сексуално злоставување, а напаѓачите да се донесат пред лицето на правдата.
Барањето за истрага доаѓа по истражувачката сторија на „Сандеј тајмс“, каде беше наведено дека асистентки во Европарламентот биле жртви на непримерни допири и сексуални вербални вознемирување, додека една жена изјави дека била принудена да гледа додека еден европратеник маструбирал.
Меѓу обвиненијата се и дека еден германски европратеник ја „зграпчил одзади“ жртвата, а друг испраќал недолични фотографии и текстуални пораки во текот на ноќта.
Досега, на различни облици сексуално злоставување се пожалија 87 жени и шест мажи, објави „Политико Јуроп“.
Жртвите изјавија дека на нив се гледало како на „парчиња месо“, а не пријавиле во полиција поради стравување дека ќе го изгубат работното место.Тие тврдат дека обвинетите европратеници „не одговараат пред никого“.
Политико покрена и посебна веб страница на која жртвите, доколку сакаат, можат да ги споделат своите искуства и да ги обвинат злоставувачите. Помеѓу обвиненијата е и дека од некои од нив биле побарани сексуални услуги во замена за документи или договор за работа.
Меѓу обвинетите е и поранешниот француски министер за животна средина Ив Кошет, иако засега имињата на злоставувачите не се објавени.
Претседателот на Европарламентот Антонио Тајани вчера изјави дека е „во шок“ откако дознал за обвиненијата. Тој дополни дека злоставувањето сега може да се пријави на посебен советодавен одбор и дополни дека ќе работи на „зајакнување на свеста за постоечките инструменти“ во вакви случаи.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација