Се изведуваат материјални докази за „Траекторија“
Со изведување материјални докази во Кривичниот суд во Скопје продолжува судењето за случајот „Траекторија“ на Специјалното јавно обвинителство за постапката за избор на компанија за изградбата на автопатите Миладиновци-Штип и Кичево-Охрид.
Се гледаат понуди за двата автопата и пресметки од кинески компании, како и дописи меѓу Министерството за финансии и кинеската Експорт-Импорт банка и амбасадата на Кина пред потпишување на договорите, но и договори за кредитите и за изведување на градежните работи на делниците.
Случајот го води судијата Горан Бошевски, а застапник на обвинението е Лиле Стефановска.
Обвинителката Стефановска при изведување на доказите посочи дека тие покажуваат како нашата влада во мај 2012 година била во контакт и со трета кинеска компанија.
Случајот „Траекторија“ се наоѓа во доказна постапка и во него обвинети се поранешниот премиер Никола Груевски на кого му се суди во отсуство, екс министерот за транспорт и врски Миле Јанакиески, поранешниот вицепремиер Владимир Пешевски и екс директорот на ЈП Државни патишта Љупчо Георгиевски.
Според обвинението на СЈО, обвинетите во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатиштата Миладиновци-Штип и Кичево-Охрид ги искористиле и пречекориле своите овластувања. Со тоа му нанеле штета на Буџетот од најмалку 155 милиони евра.
Ново на Сител
-
Уставен суд одлучи да не поведе постапка за Одлуката со која Владата го намали бројот на советници во одредени општини
-
Николоски - Казидакис: Подобра регионална соработка во делот на инфраструктурата и изградба на брзата пруга на Коридорот 10
-
Герасимовски на прес конференција ја презентираше новата механизација за чистење на Центар
-
Полицаец купил половно возило кое му се расипало, се заканувал на продавачот па му го одзеле службениот пиштол
-
Герасимовски на терен: „Комунална хигиена“ оставиле контејнери сред булевар, целиот смет околу контејнерите не го собрале
-
ВМРО-ДПМНЕ број 9, СДСМ број 5 на гласачкото ливче за локалните избори
-
Арсовска: И јас се извинувам на граѓаните што сум мислела дека си чесен, професор и интелектуалец
-
ЦУК: Активни четири пожари, исто толку се под контрола, еден е изгаснат