Се дотера за новиот албум: Цеца ослабе 10 килограми, пак е секс бомба

Пејачката во промената на имиџот вложи десетина илјади евра, а на новата фотографија, според коментарите изгледа помладо и заводливо.

Светлана Цеца Ражнатовиќ по четири години дискографска пауза, наскоро ќе објави нов албум.

Нејзините фанови едвај чекаат да ги слушнат 11-те песни, но и таа е нестрплива да ги претстави на публиката. Како што вети, две од нив ќе ги изведе во финалето на „Пинкови ѕвезди“.

Но Цеца, освен новите песни, на публиката ќе и го претстави и својот нов изглед. Таа повторно е црнка со десет килограми помалку и повторно е секс бомба.

Здрава исхрана

-Цеца веќе подолг временски период е на режим со здрава исхрана. Изминатите месеци секојдневно вежбаше па килограмите ги стопи. Сега со новиот албум се појавува во ново светло, а каков имиџ ќе форсира навести со објавувањето на насловната на ЦД-то, кое го носи називот „Автограм“, вели извор близок до пејачката.

Инаку Цеца во новиот имиџ вложи десетина илјади евра. Таа и на гардероба даде многу пари. Само за сандалите кои ги носи на фотографиајта на насловната страна од албумот дала над 100.000 динари, а исто толку потрошила и за накитот. Ражнатовиќ со Милош Надаждин направи сет фотоградии на кои изгледа никогаш посексипилно и подобро. Нејзините фанови се воодушевени од новиот изглед, а најчести се коментарите дека многу се подмладила.

Покрај екипата која не се менува, Марина Туцаковиќ и Дамир Нандановиќ, кој на Фејсбук ги откри имињата на сите песни, на новиот албум работеа и Биљана Спасиќ, Кики Лесандриќ и Бојан Васиќ. Постпородукцијата е направена во Америка, па покрај светскиот изглед, ќе има и светски звук. Новиот ЦД ќе се најде во продажба во текот на неделава.