СДСМ: ВМРО-ДПМНЕ остави хаос во здравството, Владата ги санира штетите

ВМРО-ДПМНЕ остави хаос во здравството, а актуелната Влада работи на санација на штетите, соопшти денеска СДСМ.

- Владата предводена од СДСМ ги санира штетите од хаосот што ВМРО-ДПМНЕ и Никола Тодоров ги направија во здравството и предизвикаа штета на здравјето на граѓаните. Во фокусот на промашените политики на ВМРО-ДПМНЕ 11 години беа криминалните апетити на Никола Груевски и неговите соработници, а не граѓаните, наведува СДСМ.

Според партијата, наместо модернизација на здравството, со расипничкото и криминално трошење на парите ВМРО-ДПМНЕ ги остави клиниките во долгови, без основни услови, со дефицит на специјалисти, кровови што протекуваат, со неупотреблива опрема.

- Владата предводена од СДСМ ќе продолжи посветено да работи на санација на направените штети и на подобрување на условите во здравството, во интерес на сите граѓани, стои во соопштението од СДСМ.