СДСМ: Владата ги санира штетите што ги направи ВМРО-ДПМНЕ
Функционери на ВМРО-ДПМНЕ од поранешните раководни структури на Централниот регистар, за партиски бизнис интереси противзаконски го оштетиле Буџетот на Република Македонија за 22 милиони денари, обвини денеска СДСМ.
Според СДСМ, остварената добивка на Централниот регистар од 22 милиона денари наместо да се слее во државната каса, завршила на сметката на Акционерското друштво за стопанисување на станбен и деловен простор, а оттаму е префрлена на градежна фирма која била изведувач на зграда во центарот на Скопје.
- Ваквото расипничкото и противзаконско работење на ВМРО-ДПМНЕ цели 11 години го цедеше Буџетот за лични теснопартиски бизнис интереси, а ги осиромашуваше граѓаните. Тоа време заврши. Новата Влада предводена од СДСМ ги санира штетите што ги направи ВМРО-ДПМНЕ и парите ги враќа кон граѓаните, наведува СДСМ во соопштението.
Преку низа на мерки, како што додава, новата Влада ќе ги покачи платите, ќе го реши проблемот на стечајците, ќе ја врати евтината тарифа на струјата и ќе го подобри животниот стандард на граѓаните.
Ново на Сител
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции
-
Австралиската полиција уби тинејџер поради напад кој укажува на тероризам
-
Одбележување на 5 Maj - Денот на македонскиот јазик