СДСМ: Се е подготвено за почеток на вакцинацијата, Владата продолжува да работи во интерес на граѓаните
Владата предводена од СДСМ и премиерот Зоран Заев, како и Министерството за здравство, во изминатиот период презедоа сериозни чекори во надминување на сите предизвици со масовната имунизација против коронавирусот.
Навреме се набавија соодветни фрижидери за складирање на вакцините, беше направен прецизен план за вакцинација на населението и денес се е подготвено за почеток на вакцинацијата.
Првиот контингент вакцини вчера пристигна во државата, како поддршка од пријателска Србија. Македонија има пријатели и тоа се покажува на дело.
Со овие вакцини ќе се вакцинираат здравствените работници кои во изминатиот период се во првите борбени редови против Ковид 19 и кои секојдневно се изложени на ризик од коронавирусот.
Според предвидената динамика наскоро се очекува да пристигнат и кинеските вакцини, со што засилено ќе продолжи вакцинацијата на населението.
И додека Владата, институциите предводени од СДСМ се посветени на решавање на предизвиците и работат во интерес на граѓаните и јавното здравје, ВМРО-ДПМНЕ предводена од Мицкоски за сето време од оваа коронакриза, седи отстрана и се однесува деструктивно.
Лажни вести, кршење мерки, обиди за поткопување на здравствениот систем, навреди и понижувања кон здравствените работници, се сето она што граѓаните го гледаат од ВМРО-ДПМНЕ и Мицкоски во изминатава година.
ВМРО ДПМНЕ и Мицкоски не се грижат за здравјето на граѓаните. Единствената нивна грижа е како да ја зачуваат фотелјата на Мицкоски кој шест пати губи од граѓаните.
Нивните деструктивни политики се провидни, препознаени од народот и токму затоа уште долго ќе останат во опозиција.
Богданка Кузеска, портпаролка на СДСМ
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден