СДСМ: Правдата се врати во Македонија, законите важат за сите подеднакво
ВМРО-ДПМНЕ може да ги врати само парите што ги украде, правдата е одамна вратена
ВМРО-ДПМНЕ може да ги врати и ќе ги врати единствено милијардите евра што ги украде од граѓаните за време на 11 годишниот грабеж што го правеше врз државата, правдата и неселективното владеење на правото се одамна вратени.
Нема поголема иронија од тоа ВМРО-ДПМНЕ најкриминалната партија во историјата на Македонија, партијата симбол на грабеж, корупција и неправда да бара правда и владеење на правото.
Опозициската ВМРО-ДПМНЕ воопшто да не се грижи, правдата е вратена, одговараат сите што го прекршиле законот, а парите се враќаат назад во Буџетот. Доказ за тоа е пресудата против поранешниот премиер и претседател на ВМРО-ДПМНЕ Никола Груевски, како и пресудата против бизнис партнерот на Груевски, Сеад Кочан кој ќе врати незаконски стекнати 17 милиони евра назад во Буџетот.
Правдата се врати во Македонија и ќе ги стигне сите кои се огрешиле пред законите. Амнестија за сторениот криминал нема да има за никого. Нема повеќе заштита на криминалот, нема повеќе пљачкања под превезот на лажен патриотизам. ВМРО-ДПМНЕ и криминалните групи околу него треба да знаат дека освен одговорност, секој денар украден од граѓаните ќе биде вратен назад во Буџетот.
Колку и тоа да не му се допаѓа на ВМРО-ДПМНЕ, денес законите важат за сите подеднакво и секој кој постапувал незаконски се соочува со одговорноста.
Ново на Сител
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни
-
Македонски државјанин пронајден починат во стан во Саранда
-
Во Свети Николе два пожари, а дел од домаќинствата немаат вода за пиење поради голем дефект
-
Приведени двајца малолетници од Струмица, одзеле возило „Форд“
-
Полициски службеници успешно евакуираа припадник на македонската Армија од огнената стихија
-
Активни пожари во кумановските и селата од општина Старо Нагоричане Бељаковце, Стрезовце, Сув Ора и во Руѓинце
-
ЦУК: Во текот на изминатото деноноќие, се регистрирани 33 пожари на отворен простор