СДСМ: Музејот на Македонија говори за односот на ВМРО-ДПМНЕ кон културното наследство

СДСМ денеска преку соопштение посочува дека состојбата со Музејот на Македонија најдобро покажува каков бил односот на ВМРО-ДПМНЕ кон културното и историското наследство.

- Состојбата со Музејот на Македонија, објект од историско и културно значење за граѓаните на Р.Македонија кој е целосно запуштен и руиниран со срушени плафони и мувлосани ѕидови, најдобро говори за тоа во каква состојба ВМРО-ДПМНЕ ги остави институциите и државата и како се однесуваше кон културното и историското наследство, се вели во соопштението.

Според СДСМ, значајните културни институции и градбите од историско и културно значење биле занемарени од страна на ВМРО-ДПМНЕ. Од СДСМ најавуваат дека новата Влада посебен акцент ќе стави на заштитата на објектите од културно и историско значење.