СДСМ: Македонија е 30-та членка на НАТО, прв предизвик ни е справувањето со кризата од коронавирусот
Во период во кој светот е соочен со голема здравствена криза, нашата држава и официјално стана 30- та членка на НАТО Алијансата. По ратификацијата на Протоколот од страна на сите останати, 29 држави- сојузнички, и на крајот, по потпишување на Указот за ратификација на Протоколот од страна на македонскиот претседател Стево Пендаровски, Република Македонија се построи во најсилниот воено- политички сојуз.
Официјалната покана за нашата држава да се приклучи кон Северно- Атланскиот договор ја испрати генералниот секретар на НАТО, Јенс Столтенберг преку писмо испратено до македонската Влада.
Столтенберг изрази задоволство во свое, но и во име на сите други членки на НАТО во однос на пристапувањето на Македонија во Алијансата. Таканаречениот Пристапен инструмент се депонира во Владата на Соединетите Американски држави со што нашата држава го добива полноправното членство како 30-та членка во НАТО.
Со ова, Македонија станува сојузник и соработник со најсилните држави во светот. Пристапувањето во НАТО го обезбедува територијалниот интегритет и суверенитет на државата, а тоа значи сигурни и безбедни граници и мир во државата.
Но, НАТО не е само воено – политички сојуз, тоа е и економски двигател на државите во прогрес, како Македонија. За многу брзо време, по надминувањето на светската здравствена криза со корона вирусот, на нашата земја ќе и се отвори пазар вреден четири милијарди евра годишно, но и перспективата со странски инвестиции.
Токму членството во НАТО и отворањето на економските можности за Македонија надвор од границите, ќе преставува олеснување во анулирањето на економските последици кои ќе бидат резултат на пандемијата со вурусот.
Владата и македонските граѓани немаат прилика деновиве да го прослават остварувањето на три деценискиот сон и и приклучувањето во сојузот на најсилните држави, но ќе имаме време за славење. Сега сме исправени пред друг предизвик, сега капацитетите на државата се насочени кон здравјето и животот на граѓаните за заеднички да се справиме со сите опасности од вирусот и да ги намалиме економските штети.
СДСМ – Центар за комуникации со јавноста
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување