СДСМ: Црните тефтери за вработувања беа одлика на ВМРО-ДПМНЕ и Груевски

Црните тефтери за вработувања беа одлика на ВМРО-ДПМНЕ и Груевски, денес институциите се професионализираат, за сите важат еднакви услови

Времето на списоци и црни тефтери како оние на Гордана Јанкуловска, времето на масовна партизација на институциите функциите заврши со заминувањето на ВМРО-ДПМНЕ во опозиција.

Граѓаните дознаа како криминалното и расипничко ВМРО-ДПМНЕ масовно ги партизираше и злоупотребуваше институциите. Јавноста и денес, преку јавно објавените материјали во судските процеси имаат можност да дознае како државната администрација се полнела со членови и приврзаници на ВМРО-ДПМНЕ.

Меѓу другото и СМС комуникацијата помеѓу криминалецот Никола Груевски со тогашната министерка Јанкуловска, кадешто тој ѝ препраќал пораки за „заслужни вработувања“ на членови на ВМРО-ДПМНЕ на кои им било ветено вработување, покажува како државните институции се претворале во испостави на ВМРО-ДПМНЕ.

Времето на таква масовна партизација и заробена држава е завршено.

Започнатиот процес на реформа обезбедува професионализација и независност на државните институции.

Денес институциите функционираат транспарентно, огласите се законски и јавно достапни, за сите важат еднакви услови и критериуми. Институциите се професионализираат и работата во служба на законите и во интерес на граѓаните.