СДСМ: Блокадите за изградба на Клинички центар се незрело и деструктивно дејствување на ВМРО-ДПМНЕ

Блокадите на изградбата на нов Клинички центар од страна на ВМРО-ДПМНЕ пример за неодговорно, незрело дејствување на директна штета на граѓаните и државата.

ВМРО-ДПМНЕ предводена од Христијан Мицкоски е на страната на криминалот во сопствените редови, наместо да биде на страната на интересите на граѓаните.

Со овој проект, државата за првпат по цели 80 години ќе добие нов современ, модерен Клинички центар.

Да се биде против овој проект, значи да се биде против интересите на граѓаните и на државата.

Очигледно е дека единствената намера на ВМРО-ДПМНЕ е да спречи развој на македонското здравство, да блокира се што е во интерес на граѓаните и државата.

Пратениците на ВМРО-ДПМНЕ да се вразумат и за промена да почнат да работат за граѓаните, да се откажат од блокадите, да ги повлечат 2.000 амандмани со кои се кочи овој важен проект.

Пратениците на ВМРО-ДПМНЕ имаат шанса да покажат дека ја научиле лекцијата од сите досегашни порази и да застанат зад интересите на граѓаните кои ги избрале.

СДСМ и парламентарното мнозинство ќе ги преземат сите неопходни чекори за да се надминат овие апсурдни блокади кои служат единствено за внатрепартиска употреба на Мицкоски.