Сар: Израел е заинтересиран за воспоставување дипломатски односи со Сирија и Либан
Израел е заинтересиран за воспоставување формални дипломатски односи со своите долгогодишни непријатели Сирија и Либан, но нема да преговара за судбината на Голанската Висорамнина во никакви мировни преговори, изјави израелскиот министер за надворешни работи Гидеон Сар на денешната прес-конференција.
Односите во регионот се неизвесни поради вооружените борби меѓу Израел и Либан кои траат од крајот на 2023 година, паралелно со војната во Појасот Газа, и по соборувањето на поранешниот сириски претседател Башар ал-Асад во декември 2024 година.
Светските медиуми објавија во мај оваа година дека Израел и новите исламистички сириски власти биле во директен контакт и одржувале директни состаноци со цел смирување на тензиите и спречување на конфликти во пограничната област.
Истиот месец, американскиот претседател Доналд Трамп се сретна со новиот сириски претседател во Саудиска Арабија, го повика да ги нормализира односите со Израел и неочекувано објави дека САД ќе ги укинат сите санкции врз исламистичката влада во Дамаск.
Кратко откако беше соборен сирискиот претседател Асад, израелските трупи се преместија во демилитаризирана зона во Сирија.
Ново на Сител
-
Македонски државјанин се удави во близина на Драч
-
На Табановце се чека до 30 минути, патот до ГП Пелинце затворен до 16 часот
-
Пред пратениците на 62. пленарна седница Дополнетиот ребаланс на Буџетот
-
Топлотен бран во земјава - да се почитуваат општите препораки за заштита на здравјето
-
Меморандум за разбирање со „Казанџи Холдингс АС“ за ивестиција, вредна милијарда евра
-
Сончево и многу топло, до 42 степени
-
На граничниот премин Табановце се чека од 15 до 30 минути
-
Роналдо бара засилување од клубот