Санционирани 84 пребрзи и 11 пијани возачи на подрачјето на СВР Штип

На подрачјето на СВР Штип вчера е спроведена акциска контрола за санкционирање на возачи кои управуваат возила со брзина поголема од пропишаната. За време на контролата се констатирани 84 прекршоци, од кои 49 надвор од населено место и 35 во населено место.

Од нив 22 се од Штип, 18 Кочани, 15 Свети Николе, 13 Делчево, по шест од Берово и Виница и четворица од Пробиштип. На сите возачи им се изречени соодветни санкции, соопшти МВР.

Спроведена е акциска контрола и за возачи кои управуваат возила под дејство на алкохол. Од извршената контрола било констатирано дека 11 управувале возила под дејство на алкохол и тие биле исклучени од сообраќај, времено им биле одземени возачките дозволи и изготвени им биле прекршочни платни налози.

Санкционирани биле и 16 други видови на прекршоци, од кои еден за технички неисправно возило, еден за нерегистрирано возило, 11 за управување возило без возачка дозвола, еден возач почетник и двајца за некористење сигурносен појас.