САНА: Американци евакуираа команданти на ИД од Деир ез Зор

 Команданти на терористичката група Исламска држава денеска се евакуирани од сириската провинција Деир ез Зор со американски хеликоптери, јави сириската агенција САНА.

Припадниците на ИД се префрелени во провинцијата Ал Хаска, североисточна Сирија. Тоа е вторпат САД да евакуира терористи на ИД.

Претходно, Владата на Сирија испрати писмо до Обединети нации, во кое ја обвинува коалицијата предводена од САД дека ги договара и координира своите акции со ИД.

Би-Би-Си на 14 ноември објави дека Коалицијата предводена од САД, заедно со своите сириски сојузници, се договорија со ИД за евакуација на 250 припадници на џихадистичката група, како и на 3.500 членови на нивните семејства од градот Рака.