Самостојниот синдикат на клинички центри го осуди нападoт на лекарот
Самостојниот синдикат на клинички центри најостро го осудува вчерашниот напад на лекарот од Универзитетската клиника за дигестивна хирургија и бара итно донесување закони за докторска и за сестринска и акушерска дејност, како и воспоставување систем за заштита на достоинството и угледот на докторите и останатите здравствени работници.
Синдикатот воедно, како што наведува во денешниот допис медиумите, го повикува своето членство, јавно, во кругот на Клинички центар да изрази солидарност кон д-р Љубомир Огњеновиќ и да го искаже својот револт кон несаканиот настан, како и кон „понижувачкиот статус на докторите и другиот здравствен персонал“ со собирање на членовите на хелиодромот, во термин кој дополнително ќе се договори.
Самостојниот синдикат исто така бара директорите на сите јавни здравствени установи во земјата итно да воспостават 24-часовно професионално обезбедување, да се однесуваат со должна почит кон лекарите и останатиот персонал и да не ги надминуват ингеренциите на функцијата.
- Нападите на докторите и останатиот медицински персонал се зачестени и во континуитет, но ваков инцидент сличен на дејство од акциски филм е незапаметен во здравствената практика во Република Македонија. Вчерашниот напад е резултат на долгорочните политики во здравството кои доведоа до омаловажување и деградирање на докторите и останатиот медицински персонал, наведува Синдикатот.
Според Синдикатот, неопходно е изготвување нова законска регулатива за здравствените работници при чие креирање неизоставно, активно и рамноправно треба да учествуваат неговите членови и Самостојниот синдикат за здравство, фармација и социјална заштита.
Ново на Сител
-
Вработувања на 300 приватни специјализанти во април – ново ветување на Таравари
-
Камери од домот на Манев ја открија поврзаноста на обвинетите за убиствата на Вања и Панче
-
Возила опремени со паметни камери ќе регистраат сообраќајни прекршоци како дел од „Безбеден град“
-
ДКСК: Член на комисија на АЕК не ги исполнувал условите, но лицето било именувано на функцијата од Собранието
-
Венко Филипче е единствениот кандидат за лидер на СДСМ на внатрепартиските избори
-
Претседателката ја поздрави засилената дипломатска активност на премиерот
-
ВМРО-ДПМНЕ: Ги напаѓа ли Филипче САД преку Сашо Орданоски?
-
Преглед на вестите од светот