Салваторе Куочи ја презеде должноста командант на КФОР
Италијанскиот генерал-мајор Салваторе Куочи денеска ја презеде должноста командант на меѓународната мировна мисија предводена од НАТО во Косово - КФОР, наследувајќи го неговиот сонародник Џовани Фунга.
Церемонијата за примопредавање на должноста беше одржана во базата на КФОР во Приштина.
На церемонијата, 22-от командант на КФОР, Куочи наведе дека мотото на мисијата ќе биде трајна посветеност.
- Тоа значи дека ќе продолжиме да им помагаме на институциите во Косово во нивната стабилизација и демократизација и ќе продолжиме да го следиме патот кон подобар регион, нагласи новиот командант на КФОР.
Косовскиот претседател Хашим Тачи, кој присуствуваше на церемонијата, наведе дека сите треба да им оддадат почит на војниците на КФОР, но нагласи дека Косовските безбедносни сили се подготвени за нови одговорности.
- КФОР ужива најголема доверба меѓу граѓаните на Косово, без оглед на нивната етничка припадност. КФОР во минатато го чуваше мирот во Косово, но и на Балканот, рече Тачи, додавајќи дека Приштина ќе ги продолжи преговорите со Белград за нормализација на односите
Тој посочи дека, благодарение на КФОР и НАТО, Косовските безбедносни сили денес се мултиетнички сили во служба на сите граѓани и се подготвени да преземат нови одговорности.
Досегашниот шеф на мисијата Фунга, потенцираше дека за време на неговиот мандат на прво место го ставал народот на Косово.
Коучи, неодамна го заврши својот мандат во мировната мисија во Либан.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници